疫情之下，有好多朋友仔唔洗返學，返工嘅更加改為home office形式返工。唔知係咪因為係呢埋係屋企太耐少左同人接觸，《動森》呢隻遊戲變成好多年輕人同朋友交流嘅一隻遊戲。
英國嘅室內品牌Olivia’s竟然落廣告請虛疑室內設計顧問，招聘一眾豐富《動森》經驗嘅玩家黎設計遊戲裡面主角嘅屋企。
職責包括幫助玩家改善現有嘅配置。由於唔係所有嘅玩家都家財萬貫，設計師需要係玩家嘅預算裡面完成設計。
Olivia’s指呢個職位將會係對新進室內設計師嘅一個發揮所長嘅機會。唔單止可以累積同客人溝通嘅機會，動森呢個平台仲提供一個無風險嘅設計空間，令設計師可以無憂創作！
客人更加可以係真實世界同設計師溝通，設計師仲會提供意見，令你更加容易達到想要嘅風格添。
成功獲取嘅設計師仲高達時薪£40(HKD$382.2)。自認資深動物之森室內設計師嘅你，仲唔快啲申請？
Comments